د کورنیو چارو وزیر، خلیفه سراجالدین حقاني وایي، یوازې د آزادۍ ورځې یادونه بسنه نه کوي، بلکې د هېواد د آزادۍ او خپلواکۍ ساتنه، د ښه امنیت تأمین او د افغانستان اقتصادي پیاوړتیا هم د حکومت له مهمو دندو څخه دي.
ښاغلی حقاني وايي، د حکومت دنده یوازې د امنیت تأمین نه ده، بلکې باید د خلکو غوښتنو ته په کتو لازم سهولتونه برابر او د هېواد د اقتصادي ودې ته پاملرنه وکړي.
نوموړي ټینګار کړی چې ځوانانو ته د کار زمینه برابرول او د بېروزګارۍ کچه راټیټول هم د حکومت له مهمو مسوولیتونو څخه دي.
ښاغلی حقاني زیاتوي، چې د آزادۍ او خپلواکۍ د ساتنې ترڅنګ باید داسې شرایط رامنځته شي چې هېواد په اقتصادي لحاظ پر خپلو پښو ودرېږي او خلک د خپلو اساسي اړتیاوو لپاره له اسانتیاوو برخمن شي.