د بهرنیو چارو وزیر مولوي امیرخان متقي، د افغانستان د خپلواکۍ د بېرته ترلاسه کولو د ۱۰۷مې کلیزې په مناسبت جوړو شویو مراسمو ته وویل، افغان ولس په تېره یوه پېړۍ کې د درېیو امپراتوریو پر وړاندې بریاوې ترلاسه کړې دي، چې د نوموړي په وینا، دا د بهرنیانو لپاره مهم تاریخي درس دی.
نوموړي ټینګار کړی، چې افغانان هېڅکله زور، سیاسي فشارونه او اقتصادي محدودیتونه نه مني او له نړۍ سره د متقابل احترام او مثبت سیاست پر بنسټ د تعامل غوښتونکي دي.
متقي زیاته کړې، د افغانستان له نورو هېوادونو سره اړیکې باید د متقابل درناوي، ګډو ګټو او مثبت تعامل پر بنسټ ولاړې وي.