د والسټریټ ژورنال د راپور له مخې، د امریکا حکومت منځني ختیځ ته د پوځي مهماتو او تجهیزاتو د پراخ او بېساري لېږد بهیر چټک کړی، چې د ایران په تړاو د احتمالي ګواښونو پر وړاندې د سیمې د پوځي چمتووالي د زیاتولو هڅه بلل کېږي.
د راپور له مخې، واشنګټن په غیرمعمولي چټکتیا سره سیمې ته د پوځي مهماتو او زېرمو لویې محمولې لېږدوي.
والسټریټ ژورنال د امریکايي چارواکو په حواله ویلي، چې د دې پراخ لوژستیکي اقدام اصلي موخه د ایران له لوري د احتمالي ګواښونو پر وړاندې د مقابلې لپاره د سیمې د پوځي ظرفیتونو پیاوړي کول دي.