تسنیم خبري اژانس راپور ورکړی، چې د امریکا د دفاع وزارت په تازه شمېرو کې ویلي، چې له ایران سره د جګړې له پیل راهیسې ۱۸ امریکايي پوځیان وژل شوي او ۸۲۰ نور ټپیان شوي دي.
د راپور له مخې، په تازه شمېرو کې د ۲۶ نورو ټپیانو نومونه هم شامل شوي، خو پنټاګون د دغو پوځیانو د ټپي کېدو د کچې، وخت او ځای په اړه معلومات نه دي ورکړي.
تسنیم وايي، د امریکا د دفاع وزارت د تلفاتو شمېرې د نیویارک ټایمز او انټرسیپټ په ګډون د ځینو رسنیو له خوا تر پوښتنې لاندې راوستل شوې او ادعا شوې چې د امریکايي ځواکونو د اصلي تلفاتو کچه ښايي له اعلان شوې شمېرې لوړه وي.