انادلو خبري اژانس راپور ورکړی، چې د امریکا د بهرنیو چارو وزیر مارکو روبیو د ایران د بهرنیو چارو وزیر عباس عراقچي په مشرۍ ایراني پلاوي ته، چې د ملګرو ملتونو د عمومي اسامبلې لپاره نیویارک ته تللی و، له امریکا څخه د سمدستي وتلو امر کړی دی.
د راپور له مخې، یوه امریکايي چارواکي تایید کړې، چې د امریکا د ملګرو ملتونو استازولۍ د روبیو په امر د دوشنبې په ماښام د ایران استازولۍ ته خبر ورکړی، چې عراقچي او ورسره پلاوی باید له نیویارک څخه ووځي.
د راپور له مخې، دا پرېکړه وروسته له هغې وشوه چې د امریکا او ایران ترمنځ مذاکرات له پرمختګ پرته له خنډ سره مخ شول. د ایران پلاوي د سهشنبې په سهار له نیویارک څخه دوحې ته الوتنه کړې ده.
د سیمې سرچینو ویلي، چې د قطر منځګړيتوب لا هم د امریکا او ایران ترمنځ د جوړجاړي پر یوه وړاندیز خبرې روانې ساتي.