پاکستاني خبریال او لیکوال حامد میر د پښتونخوا په بېړني حالت او له ځايي حکومت څخه د واک اخيستو اړوند په يوه تبصره کې ويلي، چې د ګورنر راج او بېړني حالت له تریخ تاریخ څخه د عبرت اخیستو پر ځای، د تېر وخت تېروتنې بیا تکرارېږي.
د نوموړي په خبره، د ګورنر راج په نوم د یوه سیاسي ګوند پر ضد د عملیاتو له لارې به په خیبر پښتونخوا کې ترهګري له منځه لاړه نه شي.
هغه زياته کړې، چې د شهباز شریف حکومت د عمران خان له وېرې په بند کې راګیر شوی دی. دغه حکومت پاکستان د ملکي استبداد په لور بېولی دی.
حامد مير ويلي «دا حکومت باید د عمران خان له وېرې ځان خلاص کړي او د بنګله دېش د پخوانۍ لومړۍ وزیرې حسینې واجد له برخلیک څخه عبرت واخلي.»