تسنیم خبري اژانس راپور ورکړی، چې د صهیونیستي رژیم لومړي وزیر بنیامین نتانیاهو خبرداری ورکړی، چې د عربي ګوندونو په ملاتړ د نوي حکومت جوړېدل ښايي اسراییل له دننه له منځه یوسي، هغه په داسې حال کې د دغه ګواښ یادونه کړې، چې په وروستیو پارلماني ټاکنو کې د عربي ګوندونو بریا د ده د حکومت جوړولو هڅې له ستونزو سره مخ کړې دي.
د تسنیم خبري اژانس د راپور له مخې، نتانیاهو د مخالفو سیاسي ډلو پر وړاندې د دریځ نیولو ترڅنګ ویلي، چې باید د لیکود ګوند په مشرۍ پراخ ائتلافي حکومت جوړ شي.
د راپور له مخې، د ۱۹ څوکیو په ګټلو سره د عربي ګوندونو بریا د نتانیاهو لپاره د پارلمان د اکثریت ترلاسه کول ستونزمن کړي او نوموړي د آیزنکوټ په مشرۍ د احتمالي حکومت جوړېدو مخالفت کړی دی.
تسنیم خبري اژانس لیکلي، چې نتانیاهو د عربي ګوندونو په ملاتړ د آیزنکوټ په مشرۍ احتمالي حکومت ته په اشارې ویلي، دا ډول حکومت به اسراییل دننه نه، له منځه یوسي.