د معیار او کیفیت ادارې په یوه خبرپاڼه کې ویلي، چې د یادې ادارې تخنیکي ټیمونو په کونړ ولایت کې د امارتي ادارو د ۲۹۳ بېلابېلو وسایطو او وسایلو د مصرف معیارونه تثبیت کړي دي.
د معلوماتو له مخې، دغه پروسه د ختیځ زون د نورمونو د تنظیم مسوولینو ترسره کړې، چې په ترڅ کې یې د نقلیه وسایطو، جنراتورونو، ګازي او لرګیو بخاریو د مصرف معیارونه ټاکل شوي دي.
د یادو وسایطو او وسایلو د مصرف معیارونه د تېرې یوې اوونۍ په ترڅ کې تثبیت شوي او پایلې یې د اړوندو امارتي ادارو له مسوولینو سره شریکې شوې دي، چې هدف یې د انرژۍ له سرچینو څخه اغېزناکه ګټه اخیستنه، د سون توکو د اسراف مخنیوی، د سرچینو غوره مدیریت او د لګښتونو د روڼتیا تأمین بلل شوی دی.