د میدانوردګ ولايت والي، ملا خیرالله خیرخواه، د مشرتابه د فرمانونو د اغېزې په اړه څيړنيز کنفرانس ته په خبرو کې د اسلامي نظام د پیاوړتیا او دوام لپاره د شته فرصتونو پر اغېزمنې کارونې ټینګار کړی.
نوموړي ویلي، چې د نظام پر وړاندې د احتمالي ګواښونو د مخنیوي لپاره باید ګډې او جدي هڅې وشي.
ښاغلي خيرخواه د کابل پوهنتون په کوربتوب، جوړ شوي کنفرانس کې زياته کړې، چې افغانستان دا مهال یوازینی هېواد دی چې اسلامي نظام پکې حاکم دی.
نوموړي ټينګار کړی، چې له همدې امله باید له دې فرصت څخه د دغه نظام د ټینګښت، بقا او اوږدمهاله دوام لپاره تر ټولو غوره ګټه واخیستل شي.


