د بدخشان سیمهییز مسوولین وايي، د بدخشان په کوهستان ولسوالۍ کې د سرو زرو کان د نړېدو له امله دوه کارگر مړه شوي دي.
د یاد ولایت د اطلاعاتو او کلتور رئیس حکمت الله محمدي وايي، د کوهستان ولسوالۍ کې د شگو له چاڼ څخه د سرو زرو د موندلو د یوه کان د نړېدو له امله دوه تنه مړه شوي دي.د محمدي په خبره، پېښه پرون ناوخته شوې ده.
دی زیاتوي، پرون په کوهستان ولسوالۍ کې د ځمکې ښویېدنه شوې؛ خو چاته پکې ځاني او مالي زیان نه دی اوښتی.
بدخشان بېلابېل طبیعي کانونه لري او ډېری خلک یې په غرونو او سیندونو کې شگې چاڼ کوي، چې په ډېره کمه اندازه ترې سره زر راباسي او په همدغه د خپل ژوند چارې مخته وړي.