د افغانستان د مخابراتو او معلوماتي ټکنالوجۍ وزارت اترا ادارې ویاند عنایت الله الکوزي په “اکس” کې لیکلي دي، چې په افغانستان کې د هر مخابراتي سیمکارټ قیمت “سل” افغانۍ ټاکل شوی او هېڅ مخابراتي شبکه نه شي کولی تر دې یې پورته وپلوري او یا هم په جبري ډول په مشتریانو کرېډېټ او بنډلونه خرڅ کړي. د نوموړي په وینا، د سرغړونې په صورت کې له دوی سره قانوني چلند کېږي.
ښاغلی الکوزی وایی: ” د هر ډول مخابراتي ستونزې په وخت کې هېوادوال کولی شي۹۹۹ شمېرې سره اړیکه ونیسي، د دوی مشکل په مستند ډول مخابراتي شبکو سره شریک کېږي او بیرته مشتري ته د مشکل د حلېدو ډاډ ورکول کېږي.”
بل لور ته یو شمېر هېوادوال د دغې کړنې هرکلی او ستاینه کوي او وایي، چې مخابراتي سیمکارتونو ته اړتیا زیاته ده، اړوندې ادارې باید ولسونو ته د سیمکارتونو د ترلاسه کولو په موخه باید اسانتیاوې رامنځ ته کړي.