بهرنیو چارو وزارت په کابل کې د سعودي عربستان د سفارت پرانیستلو هرکلی کړی،او د دغه وزارت مرستیال ویاند ضیا احمد تکل وایي، چې د دې سفارت د بیا پرانیستلو سره به د افغانستان او سعودي عربستان ترمنځ اړیکې او همکارۍ لا پراخې شي.
ورته مهال د بهرنیو چارو وزارت درېیم سیاسي مرستیال ذاکر جلالي کابل کې د سعودي عربستان سفارت د خدماتو پیل د دواړو هېوادونو د اړیکو پراخېدو په برخه کې مثبت ګام بللی دی.
ياده دې وي چې سعودي عربستان پرون کابل خپلی سفارتي چارې بيا پرانيستلې.
