بهرنیو چارو وزارت وایي، په کابل کې د قطر سفیر، دکتور مردف القاشوطي د دغه وزارت له وزیر، مولوي امیر خان متقي سره کتلي.
وزارت زیاتوي، چې په دې لیدنه کې د افغانستان او قطر د دوو اړخیزو اړیکو ترڅنګ پر یو لړ سیمهییزو مسایلو خبرې شوې دي.
ښاغلي متقي سیمه کې د جګړې پر لنډمهالې درېدو خوښي ښودلې او هیله یې څرګنده کړې، چې جګړه د تل لپاره پای ته ورسېږي.
په ورته مهال کابل کې د قطر سفیر له افغانستان سره پر خپلې دوامدارې ښکېلتیا ټینګار کړی او له افغان لوري سره یې د سیمهییز وضعیت په تړاو وروستي معلومات شریک کړي دي.