د افغانستان بانک ويلي، چې سبا دوشنبه (د چنګاښ ۱۵مه) به د ازادې داوطلبۍ له لارې ۱۶ میلیونه امریکایي ډالر لیلام کړي.
د یاد بانک د خبرتیا له مخې، سوداګریز بانکونه او هغه شرکتونه چې د صرافۍ او پولي خدمتونو په برخه کې لازم شرایط پوره کوي، کولای شي په دې داوطلبۍ کې ګډون وکړي.
افغانستان بانک ټینګار کړی، چې د داوطلبۍ ګټونکي باید د لیلام د ورځې تر پایه خپل حسابونه تصفیه کړي.
د خبرپاڼې له مخې، د اسعارو د لیلام په معاملاتو کې د قسمي تسویې اجازه نه ورکول کېږي او ګټونکي مکلف دي، چې د خپل ذمت ټولې پیسې په یو ځل، په نغدي ډول او په ټاکل شوې موده کې بانک ته وسپاري.