تسنیم خبري اژانس راپور ورکړی، چې د ایران د بهرنیو چارو وزیر عباس عراقچي له ملګرو ملتونو غوښتي، چې د امریکا له لوري د نړیوال قانون او د ملګرو ملتونو د منشور د سرغړونو پر وړاندې اقدام وکړي او په دې اړه چوپ پاتې نه شي.
عراقچي د ملګرو ملتونو له سرمنشي انتونیو ګوترېش سره په لیدنه کې ویلي، ایران د خپل ملي حاکمیت او ځمکنۍ بشپړتیا د دفاع لپاره پر خپل دریځ ولاړ دی او د ملي ګټو د خوندي کولو لپاره ډیپلوماسۍ ته دوام ورکوي.
نوموړي د غزې او لوېدیځې غاړې وضعیت ته په اشارې سره، د ملګرو ملتونو او امنیت شورا د جدي اقدام غوښتنه هم کړې ده.