الإخبارية السوریة رسنۍ راپور ورکړی، چې د سوریې کورنیو چارو وزارت ځواکونو د “محمد عماد محرز” په نوم د تېر اسد رژیم هغه پوځي نیولی، چې له ۲۰۱۵ کال راهیسې یې په صیدنایا زندان کې د ساتونکي او مسؤل په توګه دنده ترسره کوله.
سرچينې د سوریې کورنيو چارو وزارت له قوله خبر ورکړی، چې نوموړی په صيدنايا زندان کې د شويو وحشتونو مسؤل دی او عدلي ارګانونو به یې په اړه پرېکړه وکړي.
ياده دې وي، چې د بشارالاسد رژيم پر مهال په صيدنايا زندان کې زرګونه سوريايي وګړي تر سختې شکنجې لاندې وو چې ګڼ شمېر هغو یې خپل ژوند هم له لاسه ورکړی و.