د پاکستان مرکزي بانک په تازه راپور کې ویلي چې له افغانستان سره د سوداګریزې راکړې ورکړې درېدو له امله سیمې ته د پاکستان صادرات د پام وړ کم شوي دي. په ټوله کې، له ګاونډیو هېوادونو سره سوداګریز کسر ۱۶ مېلیارد ډالرو ته رسېدلی دی.
راپور کې راغلي، چې د ۲۰۲۵-۲۰۲۶ مالي کال پرمهال د پاکستان اووه ګاونډیو هېوادونو ته صادرات ۱۱ سلنه کم شوي چې یو مهم لامل یې له افغانستان سره د سوداګرۍ ځنډ دی.
د پاکستان د مرکزي بانک په وينا، د دغه هېواد صادرات افغانستان ته له ۷۸۴ مېلیون ډالرو څخه ۲۴۳ مېلیون ډالرو ته راکم شوي، چې نږدې ۶۹ سلنه کموالی ښيي.
معلومات ښيي، چې همداراز له افغانستانه د پاکستان واردات هم ۷۵ سلنه راټیټ شوي دي.