د چارو ادارې عمومي رئیس شیخالحدیث نورالحق انور د مخابراتو او معلوماتي ټکنالوژۍ د پنځه ورځني نندارتون د پرانیستې په مراسمو کې وویل، د مخابراتو او معلوماتي ټکنالوژۍ په برخه کې د دغه نندارتون جوړېدل یو مهم او ارزښتناک ګام دی، چې د هېواد د ټکنالوژۍ د پرمختګ او نوښتونو د معرفي کولو لپاره ځانګړی اهمیت لري.
نوموړي وویل، افغان حکومت هڅه کوي چې د عصري ټکنالوژۍ په مټ هېوادوالو ته اسانه، چټک او اغېزمن خدمات وړاندې کړي. هغه د مخابراتي او ټکنالوژۍ له شرکتونو وغوښتل چې د خلکو اړتیاوو ته په کتو، باکیفیته، معیاري او واقعي خدمات وړاندې کړي او د خپلو خدمتونو کیفیت لا لوړ کړي.