د افغانستان برښنا شرکت ویلي، چې هېواد کې د کاسا-۱۰۰۰ پروژې چارې په درې فازونو کې په چټکۍ روانې دي.
د یاد شرکت د معلوماتو له مخې، کاسا۱۰۰۰ د سیمې له مهمو او ستراتیژیکو برښنایي پروژو څخه ده، چې ټولیز ظرفیت یې ۱۳۰۰مېګاواټه ده.
دغه پروژه د افغانستان له لارې د منځنۍ اسیا برښنا سویلي اسیا ته لېږدوي.
د هېواد برښنا شرکت ویلي، کاسا-۱۰۰۰ پروژه به افغانستان ته هر کال شاوخوا ۶۰ میلیونه ډالر عواید ولري او د سیمې هېوادونو اقتصادي ثبات او د انرژۍ په همغږۍ کې به مهم او بنسټیز رول ولوبوي.