شېر کړئ Facebook Twitter بریښنالیک Telegram WhatsApp د ټولګټو چارو وزارت ویاند محمد اشرف حق شناس وایي، د جلالاباد -کونړ عمومي سړک چې د وروستیو اورښتونو او سېلابونو له امله د ترافیکو پرمخ تړل شوی وو بیرته پرانیستل شو.یاده لاره د ننګرهار کوز کونړ ولسوالۍ په مربوطاتو کې تړل شوې وه، چې دا مهال د یاد ولایت د ټولګټو ریاست ماشینرۍ او پرسونل په هڅو بیرته پرانیستل شوه.ښاغلی حقشناس زیاتوي، چې دغه راز د یاد ولایت د ګوشتې، لعل پورې، مومند درې، کوز کونړ، شینوارو او دور بابا ولسوالیو سړکونه د ورستیو اورښتونو او سیلابونو را وتلو له امله زیان من شوي وو، چې دا مهال یې د ترمیم او رسوبي موادو د پاک کارۍ چارې په چټکۍ سره جریان لري.د یادونې ده، چې نن سهار د ننګرهار ولایت په یو شمېر ولسوالیو کې له شدیدو اورښتونو وروسته سېلابونه راووتل، چې له امله یې خلکو ته درانه مالي زیانونه واوښتل.
د جمهوريت پر مهال نظامي جنرال خوشحال سادات: د پاکستاني الوتکو مهمات په پای ته رسېدو دي او نور د جګړې توان نه لري5 مارچ 2026
