الجزیرې خبر ورکړی، چې په واشنګټن ډي سي کې سلګونو لاریون کوونکو د سپینې ماڼۍ مخې ته لاریون کړی او د اسرائیلو د لومړي وزیر بنیامین نتنیاهو د نیولو د نړیوال حکم د پلي کېدو غوښتنه یې کړې ده.
د راپورونو له مخې، لاریون کوونکو د سخت باران او پراخو امنیتي تدابیرو سربېره د سپینې ماڼۍ پر لور لاریون وکړ او له امریکا یې وغوښتل چې د نړیوالې محکمې پرېکړو ته درناوی وکړي.
دا لاریون په داسې مهال ترسره شوی چې د غزې جګړې او د اسرائیلي رژیم د پوځي عملیاتو په اړه نړیوال فشارونه زیات شوي او د نتنیاهو پر وړاندې د نړیوالې محکمې د نیولو حکم د نړیوالو بحثونو له مهمو موضوعاتو څخه دی.