د ریاست الوزراء اقتصادي معاونیت په یوه خبرپاڼه کې ویلي، چې د پانګونې بین الوزارتي کمېټې په وروستۍ غونډه کې په هېواد کې د تراکتورونو او کرنیزو ماشینونو د مونتاژ او تدریجي تولید طرحه تر ارزونې وروسته د تایید وړ بلل شوې ده.
د پانګونې بین الوزارتي کمېټې نوبتي غونډه د روان لمریز کال د اسد میاشتې په شپږمه په مرمرینه ماڼۍ کې ترسره شوې او د خصوصي سکټور له لوري په هېواد کې د تراکتورونو او کرنیزو ماشینونو د مونتاژ او تدریجي تولید طرحه د بحث لپاره ورته وړاندې شوې، چې له هر اړخیزې ارزونې وروسته د تایید وړ بلل شوې ده.
په همدې غونډه کې د جوزجان ولایت د مرکز شبرغان ښار کې د عامې روغتیا وزارت پر اړونده ځمکه د کفټریا او سوداګریزو هټیو د جوړولو طرحه هم ارزول شوې او د تایید وړ بلل شوې ده.