تهران کې د افغانستات سفارت وایي، د ایران له زندانونو څخه ۱۶۰ نور افغان بندیان د هویت له تثبیت او د قانوني مراحلو له بشپړېدو وروسته افغانستان ته لېږدول شوي دي.
سرچینه زیاتوي، چې د دغې لړۍ له پیل راهیسې په درېیو پړاوونو کې ټولټال ۷۳۵ افغان بندیان له ایران څخه هېواد ته لېږدول شوي دي.
د یادونې ده، چې په بهرنیو هېوادونو کې د افغانستان د سیاسي استازولیو په هڅو تر دې وړاندې هم لسګونه افغان بندیان هېواد ته لېږدول شوي دي.