د اسرائیل صهیونیستي رژیم له لوري د فلسطین مشهور پخوانی اسیر او د فلسطیني بندیانو مخکښ ماهر یونس، د اشغال شویو سیمو د عاره ښارګوټي په خپل کور کې د ناروغۍ له امله وفات شو.
ماهر یونس د فلسطین د تر ټولو اوږدمهاله بندیانو له ډلې څخه و او د «۴۰ کلن بندي» په نوم پېژندل کېده. نوموړی د ۱۹۸۳ کال د جنورۍ په ۱۸مه د اسرائیلو صهیونیستي ځواکونو له لوري ونیول شو. په لومړي سر کې پرې د اعدام حکم صادر شو، خو وروسته یې سزا په عمري بند بدله او بیا د ۴۰ کلونو بند ته راکمه شوه.
هغه د ۲۰۲۳ کال د جنورۍ په ۱۹مه، له څلوېښت کلن بند وروسته ازاد شو او خپل ټاټوبي عرعره ته ستون شو، چې هلته یې خپلې مور ته له څلوېښت کلونو وروسته لومړنی غېږه ورکړه.
ماهر یونس د بند پر مهال د فلسطیني اسیرانو د استقامت او مقاومت له مهمو سمبولونو څخه ګڼل کېده او مړینې یې د فلسطین په بېلابېلو سیمو کې د خواشینۍ څپه راپارولې ده.