یو شمېر رسنیو خبر ورکړی، چې په لندن کې د هغو خلکو شمېر مخ په زیاتېدو دی، چې د غربته له امله په سړکونو شپې تېروي.
برتانیه کې د بې کوره خلکو سره مرسته کوونکې ادارې “هوم لیس لنک” ویلي، چې په لندن کې له غربته په سړکونو د ویده کېدونکو خلکو شمېر له ۱۲ زرو اوښتی دی او دا شمېر مخ په زیاتېدو دی.
یادې ادارې زیاته کړې ده: ” په بې کوره خلکو کې اکثره غړي د اسیا، افریقا، امریکا، اسټرالیا او لږ شمېر د اروپا دي، چې د پیسو نشتون له امله د ژوند اړتیاوې نه شي پوره کولی”.
دغې ادارې ویلي، چې د دې تر څنګ ۴۵ سلنه نور خلک بیا د سخت ژوند تېرولو له امله د باسکونه خوب څخه محروم دي، چې د اندېښنې وړ خبره ده.
څه موده وړاندې رسنیو راپورونه خپاره کړل، چې برتانیه د کډوالو د جذب په برخه له سختو ستونزو سره مخ ده او له همدې امله یې زیات شمېر کډوال د یو تفاهم له مخې یوګاندا هېواد ته واستول.
په برتانیه کې میشت کډوالو د دغې پرېکړې پر وړاندې غبرګون وښوده او دا یې د کډوالو په برخه کې نا عادلانه پرېکړه او ظلم وګڼه.