نوین ساپی
پاکستان اوس خپل ګومان په افغانستان کوي، کومې کړنې نه وې چې پاکستان په افغانستان ونه کړې، کوم څه نه وو چې دوی د افغانانو پر وړاندې ترسره نه کړل؟دا چې د خیبر پښتونخوا د شانګلې په سیمه کې د چینایي انجینرانو د موټرو په یوه کاروان د مارچ په ۲۶ مه برید ترسره شو، د پنځه چینایانو په ګډون شپږ تنه پکې ووژل شول.
د پاکستان ولسمشر اصف علي زرداري د یادو چینایانو د وژلو د عاملینو د ځپلو ژمنه په داسې وخت کې وکړه چې، د دوی دفاع وزیر خواجه محمداصف ادعا وکړه، چې د ترهګرو ځاله افغانستان دی او له هغه ځایه په پاکستان بریدونه کېږي.
دا خوڅرګنده ده او هرڅوک په دې ستر حقیقت ښه پوهېږي، یو څوک چې اور بلوي، طبعي ده چې لوګي یې تر نورو رسي، پاکستان، تل سوزېدونکي اورونه بل کړي، د افغانستان پر وړاندې یې همیش بریدونه کړي، دا د اسلام په جامه کې دوهم اسرائیل دی. هغه وژنې او قتلونه چې د ډیورنډ فرضي کرښې ته نېږي سرحدي ولایتونو کې دوی ترسره کړي، بیلګې یې زیاتې دي.
عمده یې، د کونړ ولایت دانګام او اسمار ولسوالۍ دي، چې په ۲۰۲۲ کال یې په لسګونو ماشومان ووژل، په دا وروستیو کې یې چې کوم هوایي بریدونه تر سره کړل، د پکتیکا او خوست ولایت په ځینو ولسوالیو کې چې هیڅ د زغملو وړ نه دي.
په تېرو شلو کلونو کې چې د پاکستان له لوري په افغانستان کوم بریدونه کېدل، د وخت ولسمشر حامد کرزي به ویل چې، د ډيورنډ هاغاړې هم افغان پښتانه قومونه مېشت دي، کاش چې پنجابیان پراته وای، مونږ به یې پر وړاندې عکس العمل ښودلی وای، دلته هم زه قتلېږم او هلته هم؛ اشرف غني به هم ورته خبرې کولې او کوم عکس المعل به یې نه ښوده.
د سرحدي ځواکونو قومندانو او سربازانو به ویل چې مونږ ته له مرکزي حکومت څخه د پاکستان پر وړاندې د انداخت کولو اجازه نه ده راکړل شوې، همغه و چې، د پاکستان سترګه په افغانستان سره شوه؛ اوس یې چې د عمل پر وړاندې عکسل العمل ولید، ځکه دا ادعاوي کوي چې افغانستان د ترهګرو ځاله ده، دوی په پخواني سوچ او فکر کې و، چې راځه د تېر په څېر په افغانستا حمله وکړه، همغسې به ځانونه غلي کړي.
دا دوهم اسرائیل دې له هرڅه وړاندې خپل امنیت ټینګ کړي، دو چې د کابل د نیولو ګواښ کاوه، اوس ترې يو ډله غلو په نره ټانګ تښتولی، دا د هغې وسلې کیسه شوه چې په بده ورځ کې هم په کار نشوه.
د بلوچستان ایالت د اطلاعاتو وزیر جان اچکزی دې د واخان د نیولو خوبونه اوبو ته تېر کړي، دا خیال او فکر دې د خپلو زنګ وهلو مغزو څخه وباسي، خپل غیر سنجیده احساسات دې کنټرول کړي او خپل موقف دې وپیژني.