د امریکا ولسمشر ډونالډ ټرمپ په تازه څرګندونو کې ویلي، چې د دغه هېواد پوځ به نن شپه پر ایران تر ټولو درانه هوایي بریدونه ترسره کړي.
نوموړي زیاته کړې چې هېواد به یې په نږدې راتلونکي کې د ایران خارک ټاپو او نفتي تاسیساتو کنټرول هم ترلاسه کړي.
نوموړي دغه راز ادعا کړې، چې د ایران سمندري ځواک، د هوايي دفاع سېسټمونه، هوایي ځواک او د دفاع اړوند نور پوځي جوړښتونه تر ډېره بریده له منځه تللي دي.
په ورته مهال د ایران د مذهبي مشر سلاکار، محمد مخبر ویلي، ټرمپ له لافو پرته په بل څه نه پوهیږي، او دا د ده په خبره پر ایران اغیزه نهلري.
دا څرګندونې داسې مهال کېږي، چې د امریکا او ایران ترمنځ ترینګلتیاوو یو وار بیا زور اخیستی او دواړو لوریو پر یوه او بل بریدونه ترسره کړي دي.