لیکوال: محمد فیصل
شر او فساد چې ځان ته د ملي مقاومت جبهه وایي، د افغانستان په داخل کې د ولس له لوري سخت و رټل شو؛ دې ډلې له تېرو پنځه ویشتو کلونو راهیسې ولس ځوروه او په عذاب یې اخته کړی و؛ عامه شتمنۍ یې غصب کړې او په لوی اداري، مالي او اخلاقي فساد کې ښکیل وو.
د واک دومره وږي وو چې د اشغالګرو ملګرتیا یې وکړه او لوی شرم او بد نوم یې ځان ته پرېښود؛ هغوی شل کاله د امریکایانو او نورو غلامي وکړه او د واک ساتلو له پاره یې هر در ته ور منډه کړه، خو په پای کې یې طالبانو په یوولسو ورځو کې لمن ور ټوله او ولس یې د هغوی له شر او فساد څخه خلاص کړ.
امریکایي بادارانو یې هم لکه یتیمان یوازې پرېښودل، مګر دغه د واک په نشه کې مست ارام نه کښېني او بیا غواړي چې د بیرته واک ترلاسه کولو له پاره هره هڅه وکړي.
تېرو څو ورځو کې په انلاین بڼه د شر او فساد د مشر احمد مسعود له پاره زرګونه لاسلیکونه راټول شول او له امریکا غوښتنه کېده چې امریکا ته یې وغواړي، خو امریکا مسعود ته توجه نه کوي او نه پرې باور کوي.
مسعود له امریکا څخه وېزه هم غوښتې وه، څو امریکا ته لاړ شي او د طالبانو پر ضد لابیګري وکړي او پیسې تر لاسه کړي، خو امریکا یې د ویزې غوښتنه رد کړې ده.
د افغان ولس له لوري رټل شوی او استفراق شوی مقاومت د نړۍ په هیڅ ځای کې ځای نه لري او هر ځای رټل کېږي او سپکېږي؛ په ډیرو هیوادونو کې پرې ورځ په ورځ کړۍ تنګېږي او فعالیتونه یې محدودېږي.
دوی ته د دفترونو د خلاصولو اجازه نه ورکول کېږي او د سیاسي فعالیت مخه یې نیول شوې؛ دوی به که خدای کول له دغو وروستیو منډو او ناکامو راټولېدنو هم ژر ناهیلي شي او داسې به ورک شي چې بیا به یې هیڅوک یادؤنه و نه کړي.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
