د افغان حکومت ویاند مولوي ذبیح الله مجاهد پر خپله اېکس پاڼه لیکلي، د نورستان ولایت د وروستیو سېلابونو له امله خلکو ته ځاني او مالي زیانونه اوښتي او حکومت د زیانمنو کسانو د ژغورنې او مرستې لپاره اړوندې ادارې په کار اچولې دي.
ښاغلي مجاهد د دغې پېښې له امله د شهیدانو لپاره د جنت الفردوس دعا او ټپیانو ته د عاجلې روغتیا هیله کړې ده.
هغه زیاته کړې، چې د افغان حکومت اړوند ټول ارګانونه د سېلاب ځپلو د سر او مال د ژغورنې او مرستې په موخه په بېړني ډول بوخت دي او ډاډ یې ورکړی، چې زیانمنو ته به ښه رسېدنه وشي.