د اقتصاد وزارت ویاند عبدالرحمن حبیب ویلي چې، په تېر ۱۴۰۳ هجري لمریز کال کې د یاد وزارت له لوري، پنځو بهرنیو او ۱۲۹ کورنیو بنسټونو ته د فعالیت جوازونه ورکړل شوي دي.
د ښاغلي حبیب په وینا، دغه بنسټونه د ټولنیز مصؤنیت، د روغتیا سکټور، زده کړو، کرنې او مالدارۍ او په ځانګړې توګه د پېښو لپاره د چمتووالي په برخو کې کار کوي.
د اقتصاد وزارت د شمېر له مخې، اوس مهال په افغانستان کې شاوخوا ٢٦٠٨ نادولتي بنسټونه فعاليت کوي، چې له ډلې یې ٢٨٠ بهرني دي.
