د امریکا خزانې وزیر، سکاټ بېزېنټ ویلي چې دغه وزارت د ۶۰ ورځو لپاره یو موقتي عمومي جواز صادر کړی چې له مخې یې د ایران نفتو او پټروشیمي تولیداتو ته د پلور او لېږد ته اجازه ورکول کېږي.
هغه زیاته کړې، چې ایران په سویس کې د مذاکراتو پر مهال ژمنه کړې چې په هرمز تنګي کې به د کښتیو ازاد او بې خنډه تګ راتګ تضمینوي.
د امریکا خزانې وزیر دا هم ویلي، چې د ایران بانکي سېسټم له لارې پر راکړه ورکړه، بیمه او ټرانسپورتي خدماتو لګول شوي بندیزونه هم په لنډمهالي توګه ځنډول شوي دي.
تر دې وړاندې د ایران بهرنیو چارو وزیر ویلي وو، چې د ایران پر نفتي صادراتو بندیزونه ځنډول شوي، د دغه هېواد سمندري محاصره پای ته رسېدلې او د ایران د کنګل شویو شتمنیو یوه برخه هم ازاده شوې ده.