د ترکیې خبري اژانس انادولو راپور ورکړی، چې د امریکا ولسمشر ډونالډ ټرمپ خبرداری ورکړی، که ایران د امریکا د ولسمشر د وژنې یا د داسې هڅې اقدام وکړي، نو واشنګټن به سخت پوځي غبرګون وښيي.
انادولو د ټرمپ له قوله لیکلي، هغه په خپله ټولنیزه شبکه «ټروت سوشل» کې ویلي، چې زر توغندي د ایران د اسلامي جمهوریت پر لور هدفنیول شوي او چمتو دي او د ایران له لوري د هر ډول اقدام په صورت کې به نور توغندي هم ورپسې وتوغول شي.
ټرمپ ادعا کړې، چې د امریکا پوځ د ایران د بریدونو لپاره چمتو، توانمند او د اوږدې مودې عملیاتو لپاره تیار دی او ویلي یې دي، چې د اړتیا په صورت کې امریکا کولای شي د ایران سیمې په پراخه کچه ویجاړې کړي.
د راپور له مخې، ټرمپ دا څرګندونې وروسته له هغه کړي، چې د ایران او امریکا ترمنځ د اړیکو د ترینګلتیا او د احتمالي بریدونو په اړه اندېښنې زیاتې شوې دي.