د فرانسې ولسمشر ايمانويل مکرون د غزې د جګړې په تړاو د فرانسې له «فرانس اينتر» راډيو سره په خبرو کې وېلي، چې صهيونيستي اسرائيلو ته دې له دې وروسته د هر ډول وسلو همکاري بنده شي، او همدا راز یې له صهيونيستي اسرائيلو غوښتي چې غزه کې له يو کال راهیسې روانه جګړه ودروي او په سياسي حل لارو غور وکړي.
مکرون همدا راز د غزې روان وحشت ته په اشارې وېلي چې د تاسف ځای دی چې د اوربند له هڅو سره سره بيا هم په غزه کې اوربند ونه شو او جګړه روانه ده، مکرون همدا راز په تاکيد سره وېلې: فرانسه اسرائيلو ته هېڅ ډول وسله نه لېږي.
د يادونې وړ ده چې تر دې وړاندې انګلستان هم اسرائيلو ته له دې وروسته د وسلو او بمونو د نه ورکولو خبره کړې وه.