د ایران د تسنیم خبري اژانس د راپور له مخې، د سپاه پاسداران ویاند، سردار حسین محبي، ادعا کړې چې د امریکا له لوري د تلفاتو په اړه خپاره شوي ارقام «دروغ» دي او د «نصر ۲» عملیاتو کې له ۲۰۰ څخه ډېر امریکایي سرتېري وژل شوي دي.
هغه ویلي، د دغو عملیاتو پر مهال د امریکایي ځواکونو د استوګنې اته مرکزونه په نښه شوي، چې یوازې په یوه مرکز کې ۲۰ ودانۍ ویجاړې شوې دي. د هغه په وینا، د وژل شویو ترڅنګ د ټپیانو شمېر هم تر دې ادعا شویو ارقامو ډېر دی.
د سپاه ویاند له امریکا غوښتي، چې رسنیو ته اجازه ورکړي ترڅو د بریدونو ځایونه له نږدې وګوري او د تلفاتو خپلواکه ارزونه وکړي.