د بهرنيو چارو وزارت د یوې اعلامیې په خپرولو سره ویلي چې، سرپرست حکومت د تاجکستان او قرغزستان ترمنځ د پولې د ترسيم تړون له لاسليک څخه هرکلی کوي.
اعلامیه کې د دواړو هېوادونو ترمنځ د هوکړې له لارې د دغه اوږدمهالي اختلاف هواری د سيمې د ثبات، اقتصادي ودې او د متقابل باور پياوړتيا په لور مثبت ګام بلل شوی.
اعلامیه کې دغه راز راغلي چې، سرپرست حکومت تل د سولې، تفاهم او د سیمهییزو همکاریو د پراختیا ملاتړ کړی او باور لري، چې دغه تړون به په منځنۍ آسيا کې د تلپاتې سولې او همکارۍ يو نوی باب پرانيزي.
