په افغانستان کې د روسیې د سوداګرۍ مرکز مشر رستم خبيبولين ويلي، د روسیې او افغانستان ترمنځ د پوځي ـ تخنیکي همکارۍ د تړون له لاسلیک وروسته، د تاتارستان جمهوریت شرکتونه چمتو دي د افغانستان د روسي جوړو پوځي تجهیزاتو د ترمیم او بیارغونې په برخه کې همکاري وکړي.
د هغه په وینا، تاتارستان کولی شي د پوځي وسایطو او تجهیزاتو د ساتنې، د پرزو برابرولو، ځانګړو تجهیزاتو او موټرو د بیارغونې په برخو کې خپلې تخنیکي تجربې له افغانستان سره شریکې کړي.
خبیبولین زیاته کړې چې دا مهال په افغانستان کې د بېلابېلو ماډلونو څه باندې ۱۰۰ د Mi-17 چورلکې، تر ۳۰ زره زیاتې کاماز لارۍ او شاوخوا ۲ زره نور درانه ماشینونه شته، چې په روسیه او تاتارستان کې تولید شوي دي.