بيبيسي د ترکیې د بهرنیو چارو وزیر هاکان فیدان له قوله ویلي، که روسیه او اوکراین د سولې هوکړې ته ورسېږي، ترکیه به د اوکراین لپاره د امنیتي تضمینونو د سمندري برخې د رهبرۍ او څارنې مسوولیت پر غاړه واخلي.
فیدان دا څرګندونې په کییف کې د اوکراین د بهرنیو چارو له وزیر اندري سیبیها سره تر لیدنې وروسته کړې او ویلې یې دي، چې اوکراین ته د ځمکنیو، هوايي او سمندري امنیتي تضمینونو برابرول د هرې احتمالي سولې د هوکړې له اساسي بنسټونو څخه ګڼل کېږي.
هغه زیاته کړې، چې ترکیه په دې برخه کې له خپلو متحدینو سره ګډ تفاهم لري او اړوند پوځي پلانونه هم روان دي.