راپورونه وايي، د ترکیې دفاع وزارت د بحري ځواکونو قومندان “ارکومنت تاتلي” په مشرۍ، د لومړي ځل لپاره د سوريې په “لاذقیه” بندر کې خپلې جنګي بېړۍ ځای پر ځای کړې دي.
د بشار الاسد رژیم له سقوط وروسته، ترکیه د سوريې پوځ په بیا رغولو کې د دمشق یوه نږدې ملګري په توګه رول لوبوي، خو د انقرې او دمشق دغو نږدې اړيکو د اسرائیل سختې اندېښنې راپارولې دي.
د اسرائیل انرژۍ وزیر ګواښ کړی چې که ترکیه په سوریه کې پوځي اډې جوړې کړي، دوی به هم ورته ګام پورته کړي.
تر دې وړاندې تېر کال هم اسرائیلي الوتکو په سوريه کې هغه هوايي ډګرونه په نښه کړي وو، چې شک کېده د ترکي ځواکونو لخوا د پوځي اډو په توګه کارول کيږي.