د بلخ امنیه قوماندانۍ په یوه خپره کړې خبرپاڼه کې ویلي، چې د دغه ولایت د نشهيي توکو پر وړاندې د مبارزې مسوولینو په مزارشریف ښار او چمتال ولسوالۍ کې د نشهیي توکو دوه پلورونکي نیولي دي.
د قوماندانۍ د خبرپاڼې له مخې، له نیول شویو کسانو سره ۵۱۳۹ دانې پرګابلین کپسولونه، ۱۱۰ دانې ټابلېټ کا او ۲۰ ګرامه شیشه هم نیول شوي دي.
خبرپاڼه زیاتوي، نیول شوي کسان تر لومړنیو څېړنو وروسته د نورو قانوني اجراآتو لپاره اړوندو ارګانونو ته سپارل شوي دي.