النهار لبنانۍ رسنۍ راپور ورکړی، چې نن د اېټالیا پلازمېنه روم کې د لبنان او اسرائیل ترمنځ د مستقیمو مذاکراتو شپږم پړاو پیل شوی.
سرچينې ويلي، دا خبرې اترې، چې د امریکا تر نظارت لاندې د لاسلیک شوي چوکاټي تړون عملي کولو په لړ کې ترسره کيږي، چې موخه یې د حزب الله بې وسلې کول، له لبنان څخه د اسرائیلي عسکرو تدریجي شاتګ او هلته د لبنان ملي پوځ ځای پر ځای کول دي.
ورته مهال، د لبنان ولسمشر جوزف عون هیله ښودلې چې دا خبرې اترې به د اسرائیلي ځواکونو وتل یقیني کړي او د جولای په وروستۍ اونۍ کې به له ټرمپ سره په لیدنه کې له واشنګټن څخه وغواړي، چې پر تل ابیب د دغه تړون پلي کولو لپاره فشار راوړي.