د سرحدي پولیسو لوی ریاست ویاند عابدالله فاروقي وايي د ياد رياست اړوند منسوبینو، په تورخم ځمکني بندر کې د مؤثر کشف او چټک اقدام له لارې، د ۶۰۰ شپږ سوه پاکټه چې څه کم ۶ زره قرصه کېږي ممنوعه نشهيي ټابلیټونو (پریګابلین) د قاچاق هڅه شنډه کړې ده.
فاروقي ويلي یادې نشهيي ګولۍ له پاکستان څخه افغانستان ته د لېږد په حال کې وې، چې د سرحدي پولیسو د ځیرکتیا او هوښیارۍ له امله ونیول شوې.
ياده دې وي، چې تر دې وړاندې هم په تورخم بندر کې له پاکستان څخه هېواد ته د ګڼ شمېر توکو د قاچاق مخه نيول شوې.