د احصايې او معلوماتو ادارې ویلي، چې د روان ۱۴۰۵ه.ش کال په لومړیو درېیو میاشتو کې یې د هوايي ډګرونو او ځمکنيو بندرونو له لارې هېواد ته ٨۵۶۰ بهرنيو وګړو تګ او راتګ ثبت کړی دی.
د یادې ادارې د شمېرو له مخې، په دغه موده کې د ۱۹۱ ښځینهوو په ګډون۴ زره او ۵۶۸ بهرني وګړي هېواد ته راغلي او د ۱۲۱ښځینهوو په ګډون، ۳زره او ۹۹۲ نور له هېواده وتلي دي.
د احصایی او معلوماتو ادارې ارقام ښیي چې څلور زره او ۵۰۳ کسان د ځمکنیو بندرونو او ۶۵ تنه نور د هوا له لارې هېواد ته راغلي دي.
د دې ادارې د ثبت شویو ارقامو پر بنسټ، تر ټولو ډېر بهرني وګړي د نیمروز بندر او د هرات ولایت د ځمکینو بندرونو او هوايي ډګر له لارې هېواد ته راغلي دي.
افغانستان چې د اسلامي امارت په حاکمیت سره له کلونو ځنډ وروسته له سرتاسري امنیت او ثبات څخه برخمن شوی، وروستیو کالونو کې یې ګرځندوی صنعت هم بېرته غوړېدلی دی.