د صهیونیستي رژیم پارلمان کې د څېړنو مرکز تازه راپور ښیي، چې له اشغال شوي فلسطین څخه د صهیونیستاتو د وتلو یا «معکوسې کډوالۍ» کچه په بېساري ډول لوړه شوې ده.
د راپورونو له مخې، د غزې جګړه، کورنی سیاسي بحران او د راتلونکي په اړه د باور کمېدو له امله صهیونیستان اړ شوي، اسرائیل (اشغال شوی فلسطین) پرېږدي.
ویل شوي، د دغو کسانو په ډله کې ډاکټران، انجنیران او د ټېکنالوجۍ برخې متخصصین هم شامل دي.
د شمېرو له مخې، د ۲۰۰۹ او ۲۰۲۱ کلونو ترمنځ هر کال په اوسط ډول ۴۰ زره او ۵۰۰ کسان، په ۲۰۲۲ کال کې ۵۹ زره او ۴۰۰ کسان، په ۲۰۲۳ کال کې ۸۲ زره او ۸۰۰ کسان او په ۲۰۲۴ کال کې ۶۹ زره او ۵۰۰ کسان له اشغال شوي فلسطین څخه وتلي دي.