د حماس اسلامي غورځنګ ویلي، چې مرکچي پلاوی یې د غزې د اوربند د لومړي پړاو د بشپړ تطبیق او په اړه یې د نویو مذاکراتو د پیل لپاره د مصر قاهرې ښار ته رسېدلی دی.
د راپورونو له مخې، دغه پلاوی د خلیل الخیه په مشرۍ قاهرې ته تللی او ټاکل شوې ده چې سبا (یکشنبه) مذاکرات پیل کړي.
راپورونه وایي، دا مذاکرات به څو ورځې دوام وکړي او د غزې اوربند هوکړې د عملي کېدو او راتلونکو اقداماتو پر څرنګوالي به تمرکز ولري.