هندوکش غږ ته رسېدلي معلومات ښيي، چې د پاکستان پوځي رژيم د خپلو جنايتونو په لړ کې بېګا شپه يو ځل بيا ډيورنډ فرضي کرښې ته څېرمه پر افغان خاوره ړندې بمبارۍ ترسره کړې دي.
د يادو بمباريو په لړ کې تېره شپه، دوولس بجې او شل دقیقې، د خوست ولايت سپېرې ولسوالۍ اړوند مڼې کلي کې، د بابري په نوم د يوه کس کور په نښه شوی، چې له کبله یې یوه ښځه او نهه تنه ماشومان شهیدان شوي او د یوه سپین ږیري په شمول لس تنه ماشومان ټپیان دي.