په ټولنیزو رسنیو کې یو شمېر فعالان پر شر او فساد ازآدۍ جبهې نیوکه کوي، چې د دغه جبهې مشرتابه د طالبانو په عملیاتو کې د مهمو قومندانانو، بصیر اندرابي، اکمل امیر او نورو په وژلو کې لاس لري او د هغوی پر سر یې معامله کړې ده.
یاد فعالان همدا راز نیوکه کوي؛ وايي، څنګه ممکنه ده، هغه ځواکونه چې له طالبانو سره د شل کلنې مخامخ جګړې تجربه له ځان سره لري، د یاسین ضیاء او د هغه د مرستیال په مدیریت کې، له یو ساعت جګړې وروسته ټول ووژل شي!؟ دوی زیاتوي، چې د دغه خیالي جبهې ټول خیانتونه یې تر دې مهاله زغملي وو، خو نور ورته د منلو وړ نه دي.
په ټولنیزو رسنیو کې د یو شمېر فعالانو دا نیوکې له هغه وروسته په پراخه کچه خپرې شوې، چې د عیسی محمدي او شر او فساد ازآدۍ جبهې د مرستیال عبدالستار حسیني محرمې غږیزې مکالمې په ټولنیزو رسنیو کې افشاء شوې. په دغه غږیزو مکالمو کې عبدالستار حسیني، طالبان د احمد مسعود په مشرۍ له خیالي جبهې غوره بللي وو.
د شر او فساد ازآدۍ جبهې د رهبري پر ناسم مدیریت او جبهې له غړو سره د خیانت له امله، د اکمل امیر، بصیر اندرابي او څو مهمو قومندانانو له وژلو ورورسته د بغاوتګرو او د هغوی د پلویانو پراخ غبرګونونه را پارېدلي او د ازآدۍ جبهې له خیانتونو پرده پورته کوي.
د ازآدۍ جبهې د رازونو او طالبانو سره د همکاریو په اړه د راپورونو له خپرېدو وروسته، ټولنیزو فعالانو او ازآدۍ جبهې پلویانو، پر دغه جبهه باور له لاسه ورکړی او د دوی په وړاندې د درېدنې، مخالفت او دسیسو د افشا کولو ګواښ یې کړی.
په بهر کې جوړې شوې خیالي جبهې ډیری وخت په خپلو تبلیغاتي اعلامیو کې له طالبانو سره د مبارزې غولونکي شعارونه ورکوي، خو بلخوا بیا د شخصي ګټو خوندي کولو او ژورو خپل منځي اختلافاتو له امله د پرځېدلي جمهوریت له نظاميانو سره خیانت کوي؛ هېره دې نه وي چې د یاد نظامیانو پر سر معامله د دوی ورځنۍ او عادي چارې ګرځېدلي دي او له هر تکتیک په استفاده هغوی د مرګ کندي ته ور ټېل وهي.
یادؤنه: په هندوکش غږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکش غږ توافق ورسره شرط نه دی.