نن سبا په ټولنیزو رسنیو کې رواني جګړه د ټولو هېوادونو لپاره په یوه مهمه وسله بدله شوې ده؛ په دې فضا کې د افغان ملت دښمنان په عمومي توګه او باغیان په ځانګړې توګه، د افغانانو د وحدت د مخربو ځواکونو په توګه او د اسلامي نظام په وړاندې دسیسه کوونکو په توګه، د بېلابېلو لارو چارو په کارولو سره هڅه کوي چې د افغانانو ترمنځ تفرقه او درز جوړ کړي چې دا دسیسې عبارت دي له:
۱. فریب ورکوونکي شعارونه:
د شر او فساد ډله په ټولنیزو رسنیو کې معمولاً د تفرقې او قوم پرستۍ شعارونه کاروي تر څو د ځینو قومونو ملاتړ او توجه راجلب کړي؛ دا کسان ځانونه د افغانانو د یوه ځانګړي قشر د ملاتړ کوونکو په توګه معرفي کوي، خو په عمل کې د اسلام د دښمنانو وسیلې دي او موخه یې د افغان مسلمان ملت وحدت کمزوری کول دي؛ دا دوهمخیزه چلند د شر او فساد ډلې تاکتیک دی چې په خلکو کې ګډوډي او شک رامنځته کړي چې ګټه یې د اسلام د دښمنانو په برخه کېږي.
۲. د دروغو خبرونو خپرول:
په ټولنیزو رسنیو کې د باغیانو یو له اصلي تاکتیکونو څخه د ناسم او تحریف شویو خبرونو خپرول دي؛ دوی د غلطو او بېاساسه خبرونو په کارولو سره هڅه کوي چې د افغان ملت او اسلامي امارت ترمنځ بېباوري او شک پیدا کړي؛ دا دروغ خبرونه او اوازې معمولاً په ښکلي او مسلکي بڼه وړاندې کېږي تر څو تاثیر ولري.
۳. د اسلام له دښمنانو سره همکاري:
د افغانانو د وحدت د کمزورۍ په موخه د شر او فساد ډله هڅه کوي چې د افغانانو ترمنځ تفرقه او درز رامنځته کړي؛ دا ډله د قومي، مذهبي او سیاسي مسایلو څخه په ګټې اخیستنې سره هڅه کوي چې د هېواد مختلف قشرونه د یو بل په وړاندې راپاروي؛ دا هڅې معمولاً د بدبینۍ او د اسلامي امارت د پراخې واکمنۍ د کمزوري کولو په موخه ترسره کېږي.
۴. د افغانانو د وحدت کمزوري کول او تفرقه رامنځته کول:
په ټولنیزو رسنیو کې د باغیانو منافقت د ځینو افغانانو په افکارو منفي اغېز کوي؛ دا تفرقه د دې لپاره رامنځته کېږي چې د اسلامي نړۍ د دښمنانو موقف د دوی په وړاندې پیاوړی کړي، چې دا د دوی اوږدمهاله او لوړ هدفونه دي.
نو افغانان باید د شر او فساد ډلې له منافقت څخه خبر اوسي او د دې دسیسو سره د مقابلې لپاره افغانان باید په کافي پوهې او دقت سره متوجه اوسي او د دوی د تبلیغاتو او اوازو په دام کې ونه لوېږي؛ د افغانانو ترمنځ د همبستګۍ تقویت او وحدت رامنځته کول، د شر او فساد د ډلې د دسیسو او توطئو پر وړاندې د مقابلې اصلي کیلي ده.
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
۱ څرگندون
السلام علیکم ورحمة الله وبرکاته!
ویاړم چي دهندوکش له ویبپاڼي سره یوځاي سوم
مولوي احمد فهیم