د صنعت او سوداګرۍ وزارت د مرستیال مولوي احمدالله زاهد په مشرۍ پاکستان ته تللي پلاوي په اسلام اباد کې د دې هېواد د صنعت او سوداګرۍ وزارت له پلاوي سره کتلي.
د صنعت او سوداګرۍ وزارت په یوه خبرپاڼه کې ویلي، چې دې کتنه کې د دواړو هېوادونو ترمنځ د سوداګرۍ او په دې برخه کې د همکاریو پر پراختیا، ټرانزیټي اسانتیاوو او د شته ستونزو پر حل لارو خبرې شوي.
خبرپاڼه زیاتوي، په دې ناسته کې دغه راز د صادراتو د زیاتوالي په موخه پر ځینو افغاني صادراتي توکو د تعرفو د راکمولو په اړه هم خبرې شوي او تمه ده چې په دې اړه به د دواړو هېوادونو تر منځ هوکړه وشي.