تسنیم خبري اژانس ایراني رسنۍ راپور ورکړی، چې د ډونالډ ټرمپ د حکومت د دفاع وزیر، پېټ هېګسېت د ۲۰۲۵ کال له پیل څخه تر اوسه پورې تر ۲۴ ډېر جګپوړي جنرالان او اډمیرلان له خپلو دندو لیرې کړي.
سرچينې ويلي، ياد جنرالان يا له دندو لرې شوي، يا وختي تقاعد ته اړ شوي او یا یې هم په عملي ډول د قوماندې له کړۍ ایستلي دي.
د امریکا د دفاع وزير دا اقدام د نیویارک ټایمز او سیټل ټایمز په څېر رسنیو په وروستیو لسیزو کې بېساری بللی دی.
ياده دې وي، چې دا بهیر له ایران سره د پوځي کړکېچونو په منځ کې رامنځته شوی او د دې کار د انګېزو په اړه یې جدي پوښتنې راپارولې دي.