د امریکا د ملي امنیت پخواني سلاکار جان بولټن ویلي، د امریکا او ایران ترمنځ د ترسره شویو مذاکراتو یوازینۍ او اصلي موخه د نفتو د بیو راکمول وو.
نوموړي په خپلو تازه څرګندونو کې ویلي، چې د دغو خبرو اترو پر مهال د ایران د اټومي پروګرام او د تهران له لوري په نړیواله کچه د ترهګرۍ د ملاتړ مسئله په کافي اندازه نه وه په پام کې نیول شوې.
هغه زیاته کړې چې د مذاکراتو تمرکز تر ډېره پر اقتصادي او د انرژۍ اړوندو مسایلو و، په ځانګړي ډول دا هڅه کېده چې د نړیوال بازار د نفتو بیې راټیټې شي او د انرژۍ په بازارونو کې ثبات رامنځته شي.